Жогорку Кеңешке жаңыдан депутат болуп келген Таалайкүл Исакунова ант берди

"Кыргызстан" саясий партиясынын тизмеси боюнча жаңыдан депутат болуп келген Таалайкүл Исакунова Жогорку Кеңештин 9-декабрдагы жыйынында ант берди.

Жогорку Кеңештин төрагасы Асылбек Жээнбеков жалпы депутаттардын атынан Таалайкүл Исакунованы ант берүү аземи менен куттуктап, депутаттык ишине ийгиликтерди каалады.

Белгилей кетсек, Исакунова экс-депутат Канатбек Муратбековдун ордуна депутат болуп келди. "КРнын Жогорку Кеңешинин депутатынын статусу жөнүндө" мыйзамга ылайык, Жогорку Кеңештин депутаты парламентте ант бергенден кийин өз ыйгарым укуктарын расмий түрдө аткарууга киришет.

Автор: Жамалидин Парманкулов