Экс-депутаттар өлкөнүн акыйкатчы кызматына талапкерликтен баш тартышып, натыйжада 5 талапкер калды

Бүгүн, 30-декабрда Жогорку Кеңештин жалпы жыйынында акыйкатчыны шайлоо өтүп жатат. Учурда талапкерлер депутаттарды өз программалары менен тааныштырышууда.

Башында акыйкатчы кызматына фракциялар жалпысынан 7 талапкерди сунуштаганы белгилүү болгон. Жыйындын жүрүшүндө Жогорку Кеңештин мурунку чакырылышындагы депутаттар Абдыжапар Бекматов ("Бир бол") жана Нуркамил Мадалиев ("Кыргызстан") акыйкатчы кызматына талапкерликтен баш тартышканын айтышты. Ошентип, 5 талапкер калды. Алар:

Кубат Оторбаев (КСДП);

Мавлян Аскарбеков ("Ата Мекен");

Толкунбек Исаков ("Ата Мекен");

Рита Карасартова ("Республика-Ата Журт");

Алишер Мамасалиев ("Өнүгүү-Прогресс").

Автор: Нургазы Аматов