Кыргыз мамлекети менен Индиянын аскердик кызматташтыгы жанданмакчы

Жогорку Кеңеште 20-январда Кыргыз Республикасы-Индия өкмөттөрүнүн ортосундагы аскердик кызматташтык жөнүндө макулдашууну ратификациялоо тууралуу мыйзам долбоору каралып, биринчи окууда добуш берүүгө жиберилди.

Келишимге ылайык, өлкөлөр ортосунда төмөнкү багыттар боюнча кызматташууга шарт түзүлөт:

- материалдык каражаттарды жана кызматтарды берүү, аскердик техника жана комплекттөөчү запастык бөлүктөр боюнча аскердик-техникалык кызматташтык;

- өз ара кызыкчылыктын ар кандай тармактарындагы мамлекеттик мекемелер ортосундагы кызматташтык, технологиялар менен техникалык жардам берүү, биргелешкен өндүрүштү үчүнчү мамлекеттерге экспорттоо, коргоо өндүрүшү;

- маалымат алмашуу, окутуу, өкүлдөрдү жана биргелешкен долбоорлорду алмашуу жолу менен аскердик илим жана технология.

Автор: Автандил Добулбеков