Иса Өмүркулов "Алтын-Ордо, Ак-Ордо конуштары качан шаарга кошулары белгисиз" деди

Бишкектин четиндеги Алтын-Ордо, Ак-Ордо, Кырман конуштары качан шаарга кошулары белгисиз. Муну парламенттин 4-февралдагы жыйынында депутат Иса Өмүркулов билдирип, өкмөт тапшырманы аткарууну кечиктирип жатканын айтты.

"Өкмөткө берилген тапшырмалар аткарылбай жатат. Кечээ коалициялык көпчүлүк премьер-министр менен жолугушканда да айттым. Бишкектин айланасындагы конуштарды шаарга кошуу сунушун өкмөт башчы колдоду, бирок качан ишке ашары дагы эле белгисиз. Айылдардагы жерлерди да трансформациялоо зарыл",- дейт депутат.

Эскерте кетсек, парламенттеги коалициялык көпчүлүк 3-февралда өкмөт башчы Темир Сариевдин өлкөдөгү актуалдуу маселелер боюнча маалыматын укту.

Автор: Автандил Добулбеков