Вице-премьер Чүйдөгү төрөт үйүндөгү бир эне жана эки ымыркайдын өлүмү боюнча иликтөөнү жеке көзөмөлүнө алды

Чүйдөгү төрөт үйүндөгү бир эне жана эки ымыркайдын өлүмү боюнча иликтөөнү вице-премьер-министр Гүлмира Кудайбердиева жеке көзөмөлүнө алганын өкмөттүк аппараттан билдиришти. Ошондой эле Кудайбердиева эне жана ымыркайлардын өлүмүнүн себебин бир күндө аныктап чыгууну саламаттыкты сактоо министри Талантбек Батыралиевге тапшырды. Батыралиев бүгүн кечинде бул окуя боюнча Кудайбердиевага жеткиликтүү маалымат берүүсү керек.

Белгилүү болгондой, 8-февралда Чүй облустук төрөт үйүндө эки аял көз жарган. Алардын биринин баласы энесинин курсагында эле өлүү экени маалым болуп, дарыгерлер аны төрөтүшкөн. Аялдын жатыны жарылып кетип, кан басымы жогорулап, түшпөй койгон. Мындан улам ымыркайдын энеси да жан берген.

Ал эми экинчи аял 41 жумалык кош бойлуулугу учурунда толгоосу жок болгондуктан төрөтканага келген. Дарыгерлер толгоону чакыруу үчүн атайын гель сүйкөшкөн, бирок толгоо жок болуп, баланын жүрөгү сокпой калганы аныкталган. Кийин бала энесинин курсагында киндигине эки жолу оролуп, мындан улам тумчугуп калганы белгилүү болгон. Экинчи ымыркай дагы өлүү төрөлүп, анын колу-бутунда оролгондун белгиси калган. Ата-энеси сөөктү экспертизага бербей ооруканадан чыгарып кеткен.

11:13 11-02-2016

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

21:47 2024-05-07 | Коом жана турмуш

Сузакта кырсыкта жабыркагандарга психологдор жардам көрсөтүүдө 374 0

21:11 2024-05-07 | Саясат

Куала-Лумпур шаарында кыргыз-малайзия кызматташтыгын өнүктүрүү маселелери талкууланды 256 0

20:48 2024-05-07 | Спорт

Кыргыз көркөм гимнастчылары Ташкенттеги Азия чемпиондугунда 3-орунду ээледи 400 0

20:32 2024-05-07 | Бизнес-Инфо

«О!Деньги» капчыгы: 300дөн ашуун мамлекеттик кызмат көрсөтүүлөрдү бир тиркемеден онлайн төлөө 236 0

19:36 2024-05-07 | Кылмыштар, кырсыктар

Кыргыз-тажик чек арасында ок атылды 5179 1

19:03 2024-05-07 | Түркүн дүйнө

"Ийнеликтин, бактын элесин чагылдырган көйнөктөр". Нью-Йоркто "Мода баллы-2024" кечеси өттү 1062 0

Архив

Комментарийлер (4)

33SUUN

2016-02-11 11:29:14

Качангана бир кырсык болгондо козомолго албай ар дайым катуу козомолго алып турсанар мындай жан кейитээрлик иштер азаймак.Окунучтуу!!

Aytur

2016-02-11 15:52:56

Кош бойлуу кезде гинекологдор жакшы калаш керек деп ойлойм, себебимен кош бойлуу кезде жакшы караган эмес. УЗИге тушсом башы тетири турат гинеколгуна айт козомолдосун деп жоноткон, келип айтсам
-Мм эч нерсе эмес тетири келсе буту менен торойсун деп койгон 3-поликлиникадагы Тойчиева деген бир да таразага тартып же курсакты ченеп да койбойт барсан эмнеге келдин дейт кайра!

Aselya2891

2016-02-11 17:50:38

2014-Жылы кызымды торогондо 4-торот уйунун глав.врачы жаны алмашып,иштегендин баардыгы тызылдап жугурушуп жакшы карашкан. Кудайым буюруп бул жылы да тороп калып барсам баягылар чуркамак турсун ордуларынан аран козголушат. Алтынчы,дем алыш кундорго туш келип калдым. Врачтар жок. Медсестралар тируусунорбу деп да кирип коюшпайт экен.Торогондон кийин анан выписка кылаарда эле тимеле шыпылдашып,жагалданынышып,кайра-кайра киришип,кулуп-жайнап суйлошуп,берчунду бергенде тим эле 32тиши корунот.Акча,акча

behappy74

2016-02-12 05:39:45

Эне балабы,оорулуубу бир козомол жок акча талап кылып талап тоногонду кана билет врачтар.Канчалаган ымыркайлар энелер врачтын куноосу менен олумго дуушар болууда.Министр сорой отурат оордунан кыйшайбай.Калп болсо да териштиримиш болгонго да жарабайт. Эме болсо ошо болсун деген шекилдуу. Мындый министрди эчак кызматтан алып жоопко тартуу керек эле

Комментарий калтыруу үчүн өз ысымыңыз менен кириңиз же каттоодон өтүңүз.