Өзгөчө кырдаалдар министри Орусияда эрдик көрсөткөн Марат Исаевдин ата-энесине уулунун эрдиги үчүн ыраазычылык билдирди

Марат Исаевдин жубайы жана кызы

2016-жылдын 18-февралында Кыргыз Республикасынын Өзгөчө кырдаалдар министрлигинин Ош шаардык башкармалыгынын башчысы Нурлан Баймуратов, Ош шаардык башкармалыгынын өздүк курамы Марат Исаевдин ата-энесине өзгөчө кырдаалдар министри, генерал-майор Кубатбек Бороновдун ыраазычылык катын ыйгарышты. Бул тууралуу аталган министрликтин басма сөз кызматы билдирди.

Ыраазычылык катта министр, генерал-майор Кубатбек Боронов Мараттын ата-энесине: “Кыргыз Республикасынын Өзгөчө кырдаалдар министрлигинин өздүк курамынын жана жеке өзүмдүн атымдан элине жана мамлекетине сыймык алып келген уулуңуздар Маратты боорукер, баатыр, куткаруучу кылып өстүрүп, тарбиялагандыгыңыздар үчүн сиздерге терең ыраазычылык билдиремин!

Ар бир ата-эне өзүнүн уул-кызын элинин керегине жарап, артынан дайыма жакшы сөз чыгып турса деп тилейт жана кыялданат. Марат сиздердин ошол кыялды орундатып, чет жерде эрдик көрсөтүп, кыргыз элинин, кыргыз жигиттеринин боорукерлигин, баатырдыгын, ыймандуулугун, кыйын кырдаалдагы чечкиндүүлүгүн көрсөттү",- деп жазган.

Ошондой эле министр Марат Исаев мындан ары жалпы кыргыз элинин уулуна айланганын белгилеген.

Марат Исаев Кыргыз Республикасынын жараны, үй-бүлөлүү, бир кыздын атасы. Аялынын айтымына караганда, камкор ата жана ар дайым башкаларга жардамын аябаган инсан. Орусияда иштеп жүргөнүнө 8-9 жылдай болду, барып-келип үй-бүлөсүн багат. Марат Исаев быйыл 10-мартта кызынын туулган күнүнө мекенине келери маалым болду.

15:32 18-02-2016

Автор: Үмүт Абдраимова
Фото: Өзгөчө кырдаалдар министрлиги

Жазылуу

РУБРИКАДАГЫ СОҢКУ КАБАРЛАР

13:46 2024-05-10 | Супер-Инфо

“Манасты” мажбурлап айттыруу жыйынтык береби? 45 0

13:07 2024-05-10 | Супер-Инфо

“Өлкөдө 459 илбирс, 17 кундуз, 11 мадыл калды”. Кызыл китептегилердин азыркы абалы кандай? 114 0

13:03 2024-05-10 | Саясат

Президент комуз формасындагы пирс боюнча сурамжылоонун жыйынтыгын айтты 362 0

12:35 2024-05-10 | Кылмыштар, кырсыктар

Кадамжайда мечиттин курулушуна чогулган акчаны уурдаган шектүү кармалды 342 0

12:28 2024-05-10 | Кылмыштар, кырсыктар

Токмокто мал уурдагандар видеого түшүп калышкан. Шектүүлөр кармалды (видео) 465 0

12:17 2024-05-10 | Саясат

"Эч ким уурдай албайт". Садыр Жапаров интернетте тараган алтын боюнча видеого комментарий берди 620 0

Архив

Комментарийлер (8)

Chika78

2016-02-18 16:02:49

Туура кылышыптыр ата-энесин сыйлап,жалпы кыргыз эли сыймыктанып отурат,чын эле элдин уулу болду,жасалмасы жок чыныгы баатыр деп ушуну айтса болот.Азамат!

Uluk_Kalyev

2016-02-18 16:12:10

Акчалайда жардам берип койбоптур азырак болсодо министир

dubai

2016-02-18 16:18:43

Uluk_Kalyev,президент именной(аты жазылган) сааттан сырткары акчалай сыйлык берет экен.

MuslimNur95

2016-02-18 16:49:23

Ата Энеси озгочо суйунуп сыймыктанып олтурса керек, Азамат марат.

ruslankg

2016-02-18 17:00:32

Кыргызстандын супермени болдуго бул жигит азамат, жакшылык кылыш керек,жардам бериш керек муктаждарга,бир кун кайтат ушинтип эле,пендесинен болбосо АЛЛАХтан дегени ушуда.

Drongo

2016-02-18 17:15:24

РФда да РенТВ каналынан кайра кайра корсотуп жатат,Маратты.Азаматсын Марат,чыныгы эр журок жигит.

Arslan12

2016-02-18 17:51:20

Ушундай баланы остургон ата-энесинин суротун дагы чыгарып койгула ыраазычылык билдирген учурда.

ulya.mamatova

2016-02-18 18:56:39

Акчалай сыйлык да берилет экен эле дешет.Бирок бир тыйын деле бериле элек го али кунго чейин.

Комментарий калтыруу үчүн өз ысымыңыз менен кириңиз же каттоодон өтүңүз.