СПИД, кургак учук, малярия менен күрөшүү боюнча макулдашууну парламент комитети жактырды

Жогорку Кеңештин Бюджет жана финансы комитети 22-февралда Кыргыз Республикасынын Өкмөтү менен Глобалдык фонддун ортосундагы СПИД, кургак учук, малярия менен күрөшүү боюнча макулдашууну жактырды. Бул тууралуу ЖКнын маалымат кызматынан кабарлашты.

Өкмөттүн маалыматына караганда, эки тараптуу макулдашуунун алкагында СПИД, кургак учук, малярия менен күрөшүү багытында узак мөөнөтүү каражаттар, анын ичинде гранттар берилмекчи.

Макулдашуу жакында Жогорку Кеңештин жыйынында каралмакчы.

Автор: Автандил Добулбеков