Тендерлердин мыйзамдуулугун иликтөө боюнча депутаттык комиссиянын иштөө мөөнөтү узартылды

Балыкчы – Тамчы – Корумду унаа жолун, «Манас» аэропорту жолун калыбына келтирүүгө, малды идентификациялоого техникалык жабдууларды сатып алууга жарыяланган тендерлердин мыйзамдуулугун иликтөө боюнча Жогорку Кеңештин депутаттык убактылуу комиссиясынын иштөө мөөнөтү 2016-жылдын 4-майына чейин узартылды. Бул тууралуу парламенттин басма сөз кызматы билдирди.

Маалыматка ылайык, депутаттык комиссиянын курамы төмөнкү депутаттар менен толукталды:

КСДП фракциясынан Узарбек Жылкыбаев, Гүлкан Молдобекова, Искендер Матраимов;

«Республика – Ата Журт» фракциясынан Максат Сабиров, Таабалды Тиллаев;

«Кыргызстан» фракциясынан Кубанычбек Нурматов.

Эске салсак, буга чейин депутаттык комиссиянын курамына депутаттар Канатбек Исаев («Кыргызстан»), Өмүрбек Текебаев («Ата Мекен»), Абылкайыр Узакбаев («Өнүгүү – Прогресс»), Талант Мамытов («Республика – Ата Журт») кирген.

Автор: Нургазы Аматов