"Кумтөрдүн" кызматкери Абдурахим Мамбеталиев 9 адамдын өмүрүн сактады
"Кумтөр Голд Компанинин" кызматкери Абдурахим Мамбеталиев шар аккан сууда калган 9 адамды, анын ичинде 4 кичинекей баланы куткарууга катышкан. Жол-транспорт кырсыгы Жети-Өгүз районунда катталган. Нөшөрлөгөн жаандан улам тайгак жолдо айдоочу унааны башкара албай Чоң-Кызыл-Сууга түшүп кеткен. Жакын жерде достору менен жүргөн Абдурахим Мамбеталиев кырсыкка кабылган адамдардын кыйкырыгын угар замат жетип келип, агымы күчтүү дарыяга кирип, тактайдын бир учун сууга кулаган автоунаага улап, ошол өтмөк аркылуу адамдарды жээкке чыгарган.
Жапа чеккендердин бири Сабира Сыманова алар ошол күнү эс алууга чыгышканын билдирген. Алгач себелеп баштаган жаанга анча маани беришкен эмес, бирок күтүүсүздөн автоунаа жолдон тайгаланып, сууга кулап түшкөн. “Биз эмне кыларыбызды билбей, дүрбөлөңгө түштүк. Биздин үнүбүз жакын жерде эс алып жаткандарга угулуптур. Мен Абдурахим башында турган жигиттерге ыраазымын. Алар өз өмүрлөрүн тобокелге салышты", - дейт Сабира Сыманова.
Экинчи жабырлануучу Таалай Чакиев да баштан өткөн окуяны айтып берди: "Биз абдан корктук. Дагы жакшы, унаа сууга узунунан туруп калды, ал туурасынан болгондо суунун агымы унааны оодарып салмак. Биз суусу шаркырап аккан сайда 40 мүнөттөй кармалып калдык. Мүнөт санап машинага суу толо баштады, буттарыбыз суу болуп, үшүй баштадык. Үнүбүз жетишинче кыйкырып жардамга чакырып жаттык. Бизди угуп, жардамга келип, сактап калышкан адамдарга ыраазымын. Алар бизге экинчи өмүр тартуулашты".
Бул окуянын каарманы Абдурахим Мамбеталиев 18 жылдан бери "Кумтөр Голд Компаниде" коопсуздук кызматында эмгектенет.
"Биз сууга түшкөнү жатканбыз. Автомашина сууга кулап түшкөнүн угар замат жолдошторум менен окуя болгон жерге шашылдык. Кандай, эмне кылуу керек экенин түшүнүп, дароо аракеттене баштадым. Коркунуч жөнүндө ойлонгон да жокмун. Натыйжада биз адамдарды сактай алдык. Адамдарды сактоого катышкан Керимжан Абдиев, Ринат Сулайманов, Дилшат Масеев, Абдухалил жана Абдужалил Мамбеталиевдерге алкыш! Ошондой эле суудан алып чыккандан кийин үшүп калган адамдарга жардам берген Айдар Эралиев менен карындашы Чынарага да рахмат.
Бир аздан соң машинам менен баарын үйлөрүнө жеткирип койдум. Кырсыкка кабылган адамды куткарууну эрдик эмес, жарандык милдет деп эсептейм, себеби адам өмүрү баарынан кымбат. Кайдыгер жана көңүл кош болбоо керек", - дейт Абдурахим Мамбеталиев.
Азаматсыз ушундай жакшы адамдар кобойо берсин олкобуздо.
+4
modem4999
2016-10-05 13:22:14
Азамат экен,бирок кумтордун бул жерде кандай тиешеси бар.
+8
Luchik81
2016-10-05 13:39:30
куткаруучу болгон үчүн дароо кандай кылышты түшүндү да, алкыш!
баары аман калгандарына шүгүр!
+3
datkayimjan
2016-10-05 13:41:14
Кумторду дайым мактай бергенинер жакпайт да. Куткаруучуларга мин алкыш жана данк.
+8
Kroxa
2016-10-05 14:34:15
Жети огуздо болсо Кум тордо иштегендер кыйма чийме отушот тан калаарлык деле эмес ал жерде ишке барып келгендердин жолу,,ошон учун кумторду кошуп жазышты го...бирок куткарганы адамдык бийик сапат азаматсынар...
+2
alhamdu
2016-10-05 16:20:03
Алла раазы болсун,азаматтар,атасына рахмат. Кумторсуз эле жазсанар да болмок,же кумторду кошуп жазсанар акча береби
+2
frunze777
2016-10-05 16:56:58
Тиги куткаруучу азамат экен, бирок анын эрдигин да Кумторду рекламалоо учун пайдаланышыптыр, улам улам теманы алдыга жылдырып... Бул тиги адамдын эрдиги, Кумтордун эмес!!!
+9
take220281
2016-10-05 18:23:10
иштеген жерин жазбаса мобул жердеги чукугучтар дагы айтмак, толук маалымат жазбайсыңарбы супер деп. жөн эле чоң эрдике кубанып койсо болбойбу? же сөзсүз жаман жагын жазыш керекпи?
-6
karasuu
2016-10-06 04:51:14
азаматсыз Кудайым озу колдосун!
+2
Uson13
2016-10-06 07:24:56
Кумтөрдүн кызматкери деп кумтөрдү мактабай жөн эле аты жөнүн жазсаңар кошомат кылбай
+7
Luchik81
2016-10-06 09:00:29
Куткаруучуларды эмес, Кумтөрдү талкуулай берген кызык го. Кумтөрдө ишке жетпей жүргөндөр канча.
-1
aibo_85
2016-10-06 10:19:12
Бул окуяга коп болду го.
0
limuna
2016-10-06 12:02:07
Красавчик
0
ALATOOLUK.JIGIT
2016-10-06 16:15:00
Азамат экен,элге да таанытты аны. Автор,сыр болбосо канча берди бул жарнамага? Тузук эле алган окшойсун э ачык айта бер,эл деле жинди эмес го.
0
Комментарий калтыруу үчүн өз ысымыңыз менен кириңиз же каттоодон өтүңүз.
