20-21-апрель күндөрү Кыргызстанда 16 өрт кырсыгы катталганын ӨКМнын Өрттүн алдын алуу жана анализдөө бөлүмүнүн башчысы Уланбек Танабаев билдирди. Айта кетсек, бул күндөрү Бишкек шаарында 4, Чүй облусунда 1, Жалал-Абад облусунда 1, Ысык-Көл облусунда 5, Ош облусунда 2, Нарын облусунда 1, Баткен облусунда 1 жана Талас облусунда 1 өрт кырсыгы орун алды. Жайыл районунун Полтовка айылындагы үйлөрдүн биринен өрт чыгып, кырсыктын кесепетинен үй ээси, 1948-жылы туулган А.И. аттуу жаран көз жумду.