“Мага намыс керек, кыздык белгимди тигип бериңиз” же Кыргыз өлкөсүндө пластикалык операциянын кайсы түрү көп жасалат?

Корейлердин беттери эмнеге фарфордой тунук, бакыраң көз болушат?

Түштүк Кореянын эс тартып калган балдар-кыздары туулган күнүнө ата-энесинен эмне белек сурашат? Гаджет, жумшак оюнчук же үй жаныбары деп турасызбы? Европанын балдарынан айырмаланып алар мындай нерселерди кызыксыз көрүп калышкан. Ата-эне алардын бой тартып чоңоюп калганы үчүн пластикалык операция жасатууну белек кылышат.

Түштүк Кореянын жашоочулары сулуулукка өзгөчө көз караш менен карап, өздөрүн сыйда жүздүн стандарттарына дал келтирүүгө аракет жасашат. Фарфордой тунук бет териси, кырдач мурун, сурмасы кабатталган бакыракай көз, V формасындагы экинчи ээги алынган жаак, айтор мунун баары бир нече курмандыктардын жыйынтыгы десек болот. Статистикага таяп алганда, Түштүк Кореяда ар бир 5-корей аял же кыз скальпель алдында багынып бергендер. Бул жакта жагдай ушул, ал эми биздин өлкөдө пластикалык хирургия кандай өнүгүп жатат?

“Сүйлөшкөн кызымдын кыздык белгисин калыбына келтирип бериңиз”

Пластикалык хирургия азыркы учурда өтө деле кол жетпес бийиктик болбой калды. Мисалы, мен көзүмдүн үстүндөгү бош терини тарттырып, көздүн алдындагы шишик тарткан ашыкча майды алдырып салууну кааладым. Ушул көйгөйлөр менен борбор калаадагы пластикалык хирургия кызматтарынын бири Айнура Сагынбаеванын клиникасына баш бактым. Өз ишин билген адистер мен узаткан кошумча суроолордун баарына жооп берип, жаңы маалыматтар, практикасындагы кызыктар менен бөлүштү.

Сурма чыгаруу (блефаропластика) жана көздүн айланасына хирургиялык операция жасоо аталган клиникада 8500 сомдон баштап, 20 000 сомго чейин. “Кире бериште турган кыздарды байкадыңыз да? Көпчүлүгү көздүн сурмасын чыгарууга кеңеш алганы келгендер. Бизде сурма жасоо боюнча күнүнө 6-8ден адамга операция жасалат”, - дейт адис.

Кардарлардын арасында эркектер да жок эмес. Мурду, кулагы сынган же кайсы бир кырсыктан бетинде калган чоң шрамды жоготуп, жымсалдап бергиле деп келгендер бар. “Кыргызда канга сиңген менталитет кыздарды гименопластика (кыздык белгини калыбына келтирүү) жасатууга көп түрткү берет. Кыз-жигит жаштык кылды, ойноп коюшту. Ким эле болбосун ата-энесинин, кайын журтунун алдында “таза” чыккысы келет. Ал тургай сүйлөшкөн кызымдын кыздык белгисин калыбына келтирип бериңиздер деп болочоктогу келинчегин жетелеп келген жигиттер да бар”, - деп таң калтырды адис.

Мындан тышкары кардарлардан колдун булчуң этин ичкертүү, кулактын формасын өзгөртүү, бет терисин тарттыруу, ооздун формасын өзгөртүү, жаакка уяча (ямочка) түшүрүү, ичтеги ашыкча майларды алдыруу, колтуктун тердешине алып келген тери бездерин алдыруу, аялдардын жыныс кынын кичирейтүү сыяктуу операцияларга суроо-талаптар көп экенин билдик. Ушунун баары биздин өлкөдө жасалабы? Клиникадан чыгып баратып өзүмө-өзүм берген бул суроого кардарлардын үзүлбөй кирип жатканы жооп болду.

Байланыш үчүн телефон: +(996) 773 71 69 71

Веб-сайт: http://sagynbaeva.com/