АКШда окуучунун мугалимге жазган каты социалдык тармактарда кызуу талкууга алынды

АКШда окуучунун мугалимге жазган каты социалдык тармактарда кызуу талкууга алынды. Бул тууралуу мугалимдин кызы өзүнүн Твиттердеги баракчасына жарыялады.

"Апам эң сүйүктүү итибизди "уктатуу" тууралуу окуяны өтө оор кабыл алды. Бирок ал өзүнүн окуучусунан бул катты алган соң маанайы көтөрүлүп, көзүнө жаш алды", - деп жазган ал.

Каллум аттуу окуучу мугалимине сүйүктүү итинин өлүп калгандыгы тууралуу көңүл айтып, өзү ыр жазган. Ал ырында иттин жакшы сапаттарын санап, ал өзгөчө ит болгонун белгилеген. Каттын аягында Каллум мугалимине азыркы тапта ити асманда жакшы жашоодо жашап жаткандыгын айтып "сизге катым жакпай калса жана итиңизди эстетип маанайыңызды түшүрүп алсам кечирим сурайм" деген жазууну калтырган.

Аталган билдирүүгө 20 миңден ашуун адам "жакты" белгисин баскан. Ал эми интернет колдонуучулар баланы акылдуу, боорукер деп сыпатташып, Каллумга мыкты тарбия берген ата-энесине ыраазычылык билдиришкен.

Автор: Айзада Тураркулова