Филиппиндин президенти коррупция менен күрөшүүнүн алкагында Lamborghini, Porsche унааларын бульдозер менен тебелетти

Филиппиндин президенти Родриго Дутерте дүйнөгө баңгизат жана коррупция менен ырайымсыз күрөшүп келе жаткан өлкө башчы катары таанылып келүүдө. Бул жолу Филиппиндин борбору Манила шаарында өлкө аймагына мыйзамсыз алып кирилген люкс классындагы бир нече транспорт каражаттарын бульдозер жана экскаватор менен тебелетүүгө буйрук берди. Бул тууралуу жергиликтүү маалымат каражаттары жазып чыгышты. Маалыматка караганда, өлкөгө мыйзамсыз киргизилген транспорт каражаттарын жок кылуу акциясын президент Родриго Дутерте өзү баш болуп карап турган.

"Талкалоо үчүн бир нече үлгүдөгү кымбат баалуу унаалар жана мотоциклдер тизилген. Алардын жалпы баасы 5,5 миллион долларды (374 099 000 сом) түзгөн. Бульдозер жана экскаватор атайын тизилген 76 транспорт каражатын, анын ичинде Lamborghini, Porsche, Jaguar, Corvette жана Mercedes-Benz унааларынын кымбат баадагы үлгүлөрүн тебелеп өткөн", - деп жазылат маалыматта.

Унаалар талкаланып бүткөндөн кийин президент Дутерте массалык маалымдоо каражаттарына мындай кадам чет өлкөлүк унааларды мыйзамсыз импорттоого каршы акция экенин айткан.

"Мен унааларды жок кылууга буйрук бердим. Эгер кимдир бирөө өлкөдө коррупция дагы деле бар десе, демек, ал дагы эле бар. Мен коррупцияны бир күндө жеңе албайм. Бирок мен дүйнөгө Филиппин Республикасы инвестиция жана бизнести өнүктүрүүгө жакшы жай экенин көрсөтүшүм керек", - деген ал.

Мындай окуя аталган өлкөдө буга чейин да болгон. Ушул жылдын февраль айында өлкөгө мыйзамсыз алып келинген жалпы баасы 1 миллион 2 жүз миң долларды түзгөн 20 чакты унаа бульдозер менен талкаланган.

2018-жылы өлкөгө мыйзамсыз импорттолуп жок кылынган транспорт каражаттарынын жалпы баасы 6,5 миллион долларга (442 117 000 сом) жетти.

Бул өлкөдө ошондой эле аткезчиликке каршы жана салык төлөө боюнча да катуу режим киргизилген.

Филиппинде мыйзамсыз кирген унаалар жок кылынды

Автор: Гүлзахира Дөөлөталы кызы

18:23 02-08-2018

Жазылуу

РУБРИКАДАГЫ СОҢКУ КАБАРЛАР

15:45 2025-06-18 | Коом жана турмуш

Кыргыз күрөш боюнча курама команда Дүйнө чемпиондугуна жөнөп кетти 71 0

15:40 2025-06-18 | Түркүн дүйнө

Араң кыймылдап... Филипп Киркоров дарылануудан кийин ырдап чыкты (видео) 189 0

15:21 2025-06-18 | Коом жана турмуш

Бишкектеги Кулиев көчөсүндө чачташкан аялдардын видеосу тарады (видео) 456 0

15:15 2025-06-18 | Маданият, шоу-бизнес

Актриса Неслихан Атагүл ымыркайы менен түшкөн сүрөттөрүн жарыялады 307 0

15:09 2025-06-18 | Түркүн дүйнө

Макрон G7 саммитинен популярдуу ырга тартылган видео жарыялады (видео) 340 0

14:52 2025-06-18 | Коом жана турмуш

Улуттук банк кезектеги алдамчылык схемасы тууралуу эскертет 322 0

Архив

Комментарийлер (9)

Chagylgan2

2018-08-02 18:28:31

ХХХ президент экен, андан коро тышка сатып, акчасын элдин керегине жаратпайбы, 5,5 миллиондук пиар жасабай озуно......

Azat.97

2018-08-02 18:47:02

Курошкондор ушинтип эле курошот.Биздики жакшы эле суйлогон кайра баары тескери болуп атат окшойт

Muratmipa

2018-08-02 21:51:16

Azat.97,ушуну сен курошуп жатат десен анда билбеймин андан башка жолу толтура

-4

gute

2018-08-02 18:58:59

Дутерте кыйын президент Сингапурду онуктургонго ушул адамдын салымы чон. Ал озуно пиар кылгыдай биздин Кыргыздын чиновниктери эмес и то Сингапурдун эли жакшы жашоодо жашашат

AKCAHAT

2018-08-02 21:30:31

gute,Филиппин мн Сингапурдун бири бирине кандай тиешеси бар? Сингапур Дутер мутерсиз эле 50ж бери коррупциясыз эле жашашат. Бул Дутер Жириновскийдин эле филипинче версиясы.Пиар болбосо ошол машиналарды аукционго койуп,сатылган акчасын больница,мектептерге бюджет кылып болуп берсе болот.ХХХ ХХХХБир эле Америка га, бир эле дагы бироого асылып кызыктай создорду суйлоп койот

Suzak12

2018-08-03 10:52:27

gute,Дутерте эмес анын тийешеси жок Сингапурдун онугушуно Сингапурду онуктургон Ли Куан Ю ото акылдуу киши болгон

monster_high_98

2018-08-02 19:48:19

Ушинтип башка мамлекеттерге суктаныып бутоор бекенбиз!! Кыргызстан качан онолот

Romantik.

2018-08-02 22:03:09

Лучще мага бирөөсүн берип койсо э, Россияга келбейт элем))

Milduri

2018-08-02 22:48:38

ХХХ андан көрө баарын сатып мамлекеттин казынасына төктүрбөйбү.

Комментарий калтыруу үчүн өз ысымыңыз менен кириңиз же каттоодон өтүңүз.