Амина Мамытбекованын "Нөлдөн башталган миллион" китеби окурмандарга кандай таасир берүүдө?
Жакында эле "Нөлдөн башталган миллион деп аталган китеп жарык көргөн. Азыркы учурда сатылуу жагынан хит болуп жаткан кыргыз тилиндеги бул китеп көп адамдардын көңүлүн өзүнө буруп турган убагы. Мотивация берүүчү китеп 299 сомдон көптөгөн өлкөлөрдө, атап айтканда, Америка, Түркия, Орусияда сатылууда. Бул китепте ийгиликке жетүүнүн көп ачкычтары катылгандыктан, окурман өзү үчүн пайдалуу маалымат чогулта алат.
Өзүңдү-өзүң кантип өнүктүрө аласың?
Ийгиликти багынтуунун сырлары эмнеде?
Убакытты кантип туура пайдаланууга болот?
Айылдан ааламга кантип жол алууга болот?
Каржы жаатында кантип көз карандысыз боло алабыз?
Ушул сыяктуу суроолорго окурман жооп таба алат.
Андан сырткары китепти окуп чыгып, тест тапшырып жогорку балл алуу менен окурмандар Дубайга баруу мүмкүнчүлүгүнө ээ болот. Ошондой эле баалуу 25 белек дагы окурмандар үчүн камдалган.
Китептин автору Амина Мамытбекова айымга кайрылып, төмөнкү суроолорду узаттык:
Бул китепти эмне максат менен жаздыңыз?
Окурмандар кандай ой-пикир калтырып жатышат?
Эмне үчүн арзан баада сатыкка койдуңуздар? Деги эле сарпталган чыгымды актап жатабы?
- Өзүмдү акылдуу, элге насаат айта турган адам деп эсептебейм. Менден тажрыйбалуу, акылдуу адамдар көп. Болгону китеп жазуу аркылуу ой бөлүшкүм келди. Менин китеп жазуудагы максатым – бир аз да болсо окурманга пайда алып келүү, жеке ой-пикирим менен бөлүшүү болуп саналат. Максатым китеп жазып, акча табуу эмес, тескерисинче, бул жаатта иш алып баруу көптөгөн чыгымдарга дуушар кылат экен. Китеп атайын 299 сомдон сатылууда, анткени бул баа баарына жеткиликтүү, калктын капчыгына оор келбейт. Мен инстаграм баракчама күнүнө 15тен ашуун жылуу ой-пикирлерди алып жатам, көбүнчөсү "ой-жүгүртүүм, пландарым, көз-карашым өзгөрдү" деп жазышат.
Кээ бир билермандар мени капа кылып төмөнкүлөрдү айтышат:
"Эми китеп жазгыч болуп акча табайын дедиңизби?"
Ушундай жаман ой-пикирлер мага терс таасирин тийгизбей койбойт. Акча таап, өз жанын багуу бул азыркы учурда көп адам үчүн чоң көйгөй эмес. Деги койчу, чымчык деле өзүн гана эмес, балапандарын багып чоңойтот.
Акча табуунун башка деле жолдору жок эмес. Азыркы учурда 6 тилди билем, 2 жогорку билимим бар, буга кошумча бизнес менен 14 жылдан бери алектенип келем. Мунун баары Кудайдын бергени, мен абдан жөнөкөй адамдардын катарын толуктап келем.
