Ала-Букада прокуратуранын жаңы административдик имараты ачылды

Башкы прокурор Максат Асаналиев Ала-Бука районунун прокуратурасынын жаңы административдик имаратын салтанаттуу түрдө ачты. Иш-чарага мамлекеттик бийлик органдарынын, укук коргоо түзүмдөрүнүн кызматкерлери катышты. Бул тууралуу бүгүн, 6-декабрда мекемеден билдиришти.

"Жаңы имараттын ачылышын өлкөдө мыйзамдуулукту чыңдоого багытталган иш-аракеттердин маанилүү жыйынтыктарынын бири катары баалап, бул имараттын ишке берилиши – жөн гана жаңы курулуштун пайдаланууга тапшыруу эмес, коомубузда мыйзамдуулукту жана адилеттүүлүктү чыңдоого багытталган маанилүү кадам, өлкө башчыларыбыздын жүргүзүп жаткан натыйжалуу иштеринин жыйынтыгы болуп саналат", - деп белгиледи Асаналиев.

Жаңы административдик имарат заманбап стандарттарга толук жооп берип, кызматкерлер үчүн ыңгайлуу иш шарттарын камсыздайт. Ошондой эле жарандарды кабыл алуу үчүн жеткиликтүү, ыңгайлуу жана ачык форматтагы бөлмөлөр каралган.

Автор: Замира Ниязбекова