88 миңден 6 жарым миллион сомго чейин. Шаарларды Жаңы жылга карата жасалгалоого канча каражат кетти? (инфографика, сурамжылоо)

Жылдын жаңырышына саналуу гана күндөр калды. Көчөлөр, кеңселер, үйлөр ар түрдүү жарыктар менен кооздолуп, айлана-чөйрөнү жаңы жылдык маанай каптап калды. Салтка айлангандай, Бишкек шаарынын "Ала-Тоо" аянтына жана бардык дубандардын борборлоруна жаңы жылдык балатыларды орнотуп, чырактарын жандыруу иштери аягына чыгып калды. Өлкөбүздүн шаарларын Жаңы жылга карата жасалгалоого канча каражат кеткендигин аныктап көрөлү.

Бишкек шаары

Бишкек шаарын Жаңы жылга карата жасалгалоого бул жылы 6 миллион 500 миң сом сарпталган. Бул былтыркы жылга салыштырмалуу бир топ арзан. Өткөн жылы шаар жасалгасына 17 миллион сом бөлүнгөн.

Борбор калаадагы балатынын узундугу 25 метр, диаметри 12 метрди түзүп, чырактары 10-декабрда концерттик программанын коштоосунда жандырылган.

Ош шаары

Бийиктиги боюнча 2-орунда турган балаты Ош шаарында орнотулду. Бийиктиги 27 метрге жеткен балтыны орнотууга жана шаарды жасалгалоого 1 миллион 525 миң сом каражат сарпталган.

Жалал-Абад шаары

Бул жылы Жалал-Абад шаарына өлкө боюнча эң бийик болгон 28 метрлик балаты орнотулду. Балатыны орнотууга 1 миллион 370 миң сом кетсе, жалпы шаарды көрктөндүрүүгө 2 миллион 300 миң сом сарпталган.

Нарын шаары

Нарындын борборунда бийиктиги 15 метрге жеткен балаты орнотулуп, шаарды жасалгалоо иштерине 219 миң сом сарпталды. Бул сумма өткөн жылкыга караганда 19 миң сомго көп.

Каракол шаары

Ысык-Көл облусунун административдик борбору Каракол шаарына 21 метрлик балаты орнотулду. Көрктөндүрүү иштерине 200 миң сом каражат кеткен.

Талас шаары

Талас шаарындагы борбордук балатынын бийиктиги 14 жарым метр, диаметри 6 метрди түздү. Шаарды кооздоого 137 миң сом сарпталган.

Баткен шаары

Өлкөдөгү эң арзан балаты Баткен шаарына орнотулду. Бийиктиги 14 жарым метрге жеткен балатыга 66 миң сом акча жумшалган. Жалпы шаарды жасалгалоо иштерине 88 миң сом керектелген.


кошулду
РУБРИКАДАГЫ СОҢКУ КАБАРЛАР
Архив
Комментарийлер (45)
Lui
2018-12-27 12:20:32
Тышкы карызды кутулсанар боло ушундан коро.
+5
Begimay.emir1
2018-12-27 14:02:20
Баткен шаарынын мэри ким болду экен? Кылган ишинен эле кандай адам экенин билип койсо болот экен да. Азаматсын демекмин мага баары эле кошулаттыр...
+5
azusha2017
2018-12-27 15:23:05
Каракол шаарынын балатысы сонун болуптур
0
Busi06
2018-12-27 19:52:43
Жалалабаддын Балатысына 2миллион кетти дейт, мышык ыйлай турган эле абалдаго
+1
Adilet2014
2018-12-27 21:22:26
Кара колдун балатысы жакты. Озум оштон болсом да Кара Колдун балатысы сонун болуптур демекчимин. (менин оюм) эми Акчасына келгенде албетте akylbek57 бир тууганыбыз айткандай 11 миллион 194 миң сом бул аз акча эмес. Ойлонолу кыргызым.
0
adiaza
2018-12-28 09:02:28
Эмне деген акчалар бюджеттен кетип атат дагы алдыда салюттарга да озунчо акча болунот болуш керек, айт майрамдарда да бюджеттен акча болунот болду бекен мечиттерге ошол кызык болуп атат
0
bakulya2015
2018-12-29 02:40:38
Тооба кылдым. Негизи бул майрам биздин майрам эмесго эмнеге мыгча чыгым кылабыз. Эмне ушуга бир аз тыю салбайт. Жылына акча кете береби а алып койсо кайра кийинки жылга бир аз аракет кылса кощумча кошсо ошол деле боло беретго эми бир суроода караныздар арзан койсо деле кымбат койсо деле ошол майрам бир кундо отуп кететго э эмнеге биз ушундай майрам учун чачабыз акчаны ал акча кайдан кетип жатат башка нерсеге иштетсек болбойбу? Кыскасы пайдасы жокта
0
shahlet
2018-12-29 03:18:28
ушул миллион деп окуп эле,кайран гана акчалар, 1 кундук майрам учун чачылган. уйу жоктор канча,даарыланууга акча табалбай жургондор канча?
0
Anarik87
2018-12-29 10:34:33
ушунча акча кетиргенден коро быйылкы жылдыкын эмки жылга сактап экономдоп жакырларга,майыптарга жардам кылгылада,уйу жокторду уй жагынам камсыздап
0
bazar
2018-12-29 15:21:28
Кыргыздардын баары эле үнөмчүл болуп кеткенби.
+2
emirchik
2018-12-29 22:30:32
Кантип эле Бишкеке ушунча акча кетсин бултжерде карупця барго
+1
tynara81
2018-12-30 10:29:35
Эң аз каражат кеткен Баткендики эң кооз болуптур. Ушинтсе болот эле башка шаарлар деле
+1
Zaina
2018-12-30 10:57:10
Мынча аябай коп акча жегенсинер, ушул килейген Американын шаарларында да мындай елка орнотулбайт. Мен жашаган шаарда аябай кичинекей балаты кооздолуп турат, бюджет $80 дан ашкан эмес. Эмне мынча коротосунар, ар бир шаар атандашасынар?
+1
ulanbek2000
2018-12-30 13:53:29
Омееей. Нарындыкына ит эмес мышык ыйлайт го. Калган 100миндер 31-декабрда чачылат экен да.
0
katerina.li
2019-12-11 22:36:10
Нарындын елкасы ой елки палки дейт тургандай абалдакен
0
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан