Башкы прокуратуранын өкүлү: "Шайлоого чейин административдик ресурсту колдонуу, добуштарды сатып алуу боюнча даттануу арыздары түшүп жатты"

Шайлоого чейин административдик ресурсту колдонуу, добуштарды сатып алуу боюнча даттануу арыздары түшүп жатты. Бул тууралуу бүгүн, 5-октябрда брифингде Башкы прокуратуранын өкүлү Залкар Акназаров билдирди.

"Шайлоо күнгө чейин 52 кайрылуу түшкөн. Анда административдик ресурсту колдонуу, Ички иштер министрлигинин кызматкерине карата добуштарды сатып алуу жана башка кайрылуу түшкөн. Анын 17си Башкы прокуратурага, калганы жер-жерлерге түшкөн. Анын жетөө канааттандырылган. Фактылар кылмыштардын жана жоруктардын бирдиктүү реестрине катталды.

Шайлоо күнү келип түшкөн арыздын экөөсү канааттандырылган. Анын бири "Республика" партиясынан жана БШКдан түшкөн", - деди ал.