Александр Поветкин Владимир Кличкодон жеңилди

Беттеште эң көп орун алган көрүнүш. Кличко сокку узатат, тийбесе Поветкинди соктурбай кучактап калат.

Александр Поветкин бул беттештен кийин өзүнө бир топ сабак алды көрүнөт. Анткени мындан 4-5 жыл мурда эле Кличко менен беттешем деп жүргөн. Эгер беттеш ошол учурларда орун алганда Поветкин мындан да алсыз болмок.

Поветкин Кличконун сол колу менен узаткан соккуларына каршы эч нерсе ойлоп таба алган жок.

Поветкин Кличконун сол колу менен узаткан соккуларына каршы эч нерсе

Владимир Кличко бул курларын жакынкы арада эч кимге бербейт көрүнөт

Поветкинге күйөрмандык кылып келген шыргый менен секирүү боюнча Дүйнө чемпиону Елена Исинбаева

Поветкиндин Кличкого узаткан соккулары көздөгөн жерине жетпей убара тартууда

Кличко менен беттешкен боксчулар анын соккусунун күчтүүлүгүн айтып келет. Поветкин аны иш жүзүндө көрдү

Владимир Кличко өзүнүн мыкты спорттук калыбында экенин көрсөттү

5-октябрь күнү Москвадагы “Олимпийский” стадионунда бокс боюнча быйылкы жылдагы эң ири беттеш орун алды. Учурдагы супер оор салмакта теңдешсиз болуп келе жаткан украиналык Владимир Кличко менен буга чейин жеңилүү ызасын тарта элек орусиялык Александр Поветкин беттешти. Беттеш 12 раундга созулуп, жыйынтыгында калыстардын бирдей чечими менен (119:104 упай менен) Владимир Кличко жеңүүчү аталды. Ал эми Александр Поветкинге Кыргызстандагы машыгуусу да жардам бере алган жок. Айрым кыргызстандыктар Александр Поветкинди Кыргызстанга келип, президент Алмазбек Атамбаевдин кабыл алуусуна улутчул мүнөздөгү жазуусу бар футболка менен киргенинен улам жек көрүп калганы бар. Айрымдар ал жазуу эч кандай улутчулдукту билгизбейт деп айтышкан. Бирок Кличко менен беттешер алдында Поветкин “Биз аталардан калган жерде жашайбыз” деген улутчулдук маанайдагы саптарды ичине камтыган ыр менен рингге чыкты.

Ал эми беттештин өзүнө келсек, таймаш толугу менен Владимир Кличконун көзөмөлүндө болду. Кличко беттешти өтө этияттык менен жүргүзүп, сокку узатып, тийбей калса Поветкинди чаптырбай кучактап кармап калып жатты. Кличконун бул жоругу орусиялык күйөрмандардын кыжырын келтирди. Ошентсе да Владимир Кличко беттеште өзү каалаган жыйынтыкка жетти. Таймашка чейин Кличко: “Поветкин күчтүү мушкер, бирок бул беттешти мен мөөнөтүнөн мурда бүтүрүшүм керек”,- деп айткан. Беттештен кийин болсо: “Бул беттеш мен үчүн оңой болгон жок. Поветкинге бир нече жолу катуу соккуларды узатсам да туруштук берди. Поветкин эр жүрөк экенин көрсөттү”,- деди. Ал эми Поветкин: “Менин беттешке болгон планым ишке ашпай калды. Баары мен ойлогондон башкача болуп кетти”,- деп жеңилүүсүн моюнга алды.

10:14 07-10-2013

Автор: Айбала Эргешов
Фото: Интернет булактарынан

Жазылуу

РУБРИКАДАГЫ СОҢКУ КАБАРЛАР

17:26 2024-05-03 | Саясат

Арзыбек Кожошев: “Жеткирүү чынжырындагы глобалдык өзгөрүү жаңы транспорттук каттамдарды түзүү жана өнүктүрүү үчүн катализатор болуп калды” 81 0

17:10 2024-05-03 | Коом жана турмуш

"Уккан киши жок". Камчыбек Ташиев "Манас" айтууну өз жолуна коюу керектигин айтты 431 0

16:29 2024-05-03 | Коом жана турмуш

"Президент жөнөттү". Ташиев Сузактагы кырсыкка күнөөлүүлөр жоопко тартыларын айтты 498 0

16:10 2024-05-03 | Коом жана турмуш

Ошто Улуу Ата Мекендик согуштун ардагери Салахидин Токтобаев каза болду. Шаарда бир гана ардагер калды 408 0

15:56 2024-05-03 | Коом жана турмуш

Сузактагы кырсык: Садыр Жапаровдун тапшырмасы менен оор абалдагы балдар Бишкекке алынып келинет 633 0

15:34 2024-05-03 | Коом жана турмуш

4-майга карата аба ырайы тууралуу маалымат 365 0

Архив

Комментарийлер (7)

Almabek

2013-10-07 10:19:15

Рас кана болду женилип!

Ankel

2013-10-07 10:36:59

Азаматсын Влад, сен чыныгы боксер экенинди далилдедин

Sagy

2013-10-07 10:58:19

Калыс бололу! Оз жеринде «биз аталардан калган жерде жашайбыз» деген ураан менен чыккандын эч жаман жери жок. Бул Поветкиндин патриот экендигин белгилейт.

Шаиста Шатманова

2013-10-07 13:34:09

Орусия менен Украинанын ортосунда болуп жаткан тиреш бул беттешке да таасир этпей койгон жок. Зал толугу менен Поветкинге жан тартып, Кличко аны кучактап калган сайын кыжырданып жатты. Чынында Кличколордун ар бир ири жеңишинде Орусия озүнүн спортчусу жеңгендей кубанчу эмес беле?

Shekerbek

2013-10-08 09:14:26

ээх Поветкин Поветкин женилбеске айлан канча эле анан! Бул деген Кличко кыргыздын баласы

Zhan.Choyubekov

2013-10-10 16:12:42

менин кошунам деп албадынызда

Nursultan

2013-10-22 02:43:25

Klichko azamat!

Комментарий калтыруу үчүн өз ысымыңыз менен кириңиз же каттоодон өтүңүз.