Айрым уюлдук телефондун ээлери WhatsApp мессенжерин колдоно албай калышат

WhatsApp мессенжери iPhone уюлдук телефонунун эски үлгүсүндө иштебей калат. Бул тууралуу чет элдик басылмалар жазып чыгышты.

Ага ылайык, IOS тиркемесинин акыркы iOS 9 жана андан төмөнкү версиясында аталган мессенжер иштөөсүн токтотот. Мындай маалыматты WhatsApp социалдык тармагы расмий түрдө тактай элек.

"Учурда эки iPhone моделинин ээлери жакында WhatsApp тиркемесин колдоно албай калышат. Алар iPhone 4 жана iPhone 4S. Натыйжада, тиркеме жаңыланууну талап кылат же иштөөдөн баш тартат. Ошол себептүү IPhone 5, 5S, 5C жана мындан дагы жаңы үлгүдөгү телефондордун ээлери WhatsApp'ты колдонууну улантуу үчүн мүмкүн болушунча эртерээк жаңылоосу керек", - деп билдиришкен адистер.

Белгилей кетсек, 2021-жылдын 1-январынан тарта WhatsApp мессенжери Android 4.0.3. сыяктуу бир катар үлгүдө иштөөнү токтоткон.

Автор: Гүлзина Каныбекова