БШКнын төрайымы: "12-мартка чейин шайлоонун жыйынтыктары аныкталат"

12-мартка чейин шайлоонун жыйынтыктары аныкталат. Бул тууралуу бүгүн, 27-февралда брифингде Борбордук шайлоо комиссиясынын төрайымы Нуржан Шайлдабекова билдирди.

Ал билдиргендей, учурда автоматтык эсептөөчү урналардан алдын ала жыйынтыктар чыкты. Эми кол менен саноо иштери жүргүзүлөт. Борбордук шайлоо комиссиясы 12-мартка чейин шайлоонун жыйынтыктарын аныктайт.

Белгилей кетсек, 28-ноябрда өткөн шайлоодо аталган эки округда шайлоого катышкан жарандардын баарына каршы добуш бергендердин саны көп болгон. Анда Биринчи Май районунда 32,92 пайыз, Свердлов районунда 37,48 пайыз бардыгына каршы добуш берген.

Автор: Жылдыз Джускембаева