Чүйдөгү авто мектептерде окуган курсанттарга жол кыймылынын өкүлдөрү сабак өттү

Чүйдөгү авто мектептерде окуган курсанттарга жол кыймылынын коопсуздугун камсыздоо башкармалыгынын өкүлдөрү сабак өтүштү. Бул тууралуу аталган башкы башкармалыктын басма сөз кызматынан билдиришти.

Маалыматка ылайык, Чүй облусунун аймагында жайгашкан авто мектептерде окуган курсанттарга Чүй облусунун Жол кыймылынын коопсуздугун камсыздоо башкы башкармалыгынын кызматкерлери болочок айдоочуларды сапаттуу даярдоо боюнча "Унаа" мамлекеттик мекемесинин кызматкерлери менен биргеликте авто мектептердеги окуп жаткан курсанттарга кошумча сабактарды өтүштү.

"Жол кыймылынын коопсуздугун камсыздоо башкы башкармалыгынын кызматкерлери авто мектептерде окуган болочок айдоочуларга адам өмүрү бардыгынан кымбат экендигин баса белгилешти. Бардык жол кыймылынын катышуучулары жол кыймылынын эрежелеринин талаптарын билүүгө, так аткарууга милдеттүү жана жолдогу тартип ар бирибизден башталарын унутпашыбыз керек экендигин эскертти. 2022-жылдын 2 ай 24 күн ичинде айдоочулардын күнөөсүндө 262 жол-транспорт кырсыгы катталып, 30 адам каза болду, ал эми 440 адам ар кандай оор жаракаттарды алышканын баса белгиледи", - деп жазылат маалыматта.

Автор: Жолдубек Качкынбаев