Бүгүнкү күндө дүйнөнү вакциналарсыз элестетүү мүмкүн эмес, алардын жардамы менен миллиондогон адам өмүрүн алган инфекциялык жугуштуу ооруларды тарыхтан билебиз. Эмдөө (адамдын организмине вакцинаны берүү) инфекциялык ооруларды азайтуудагы эң эле натыйжалуу жана экономикалык пайдалуу чара катары белгилүү. СОVID-19га каршы вакцинаны иштеп чыгуу акыркы ачылыштардын бири болуп калды, ал эми вакцина ойлоп табуунун тарыхы 200 жылды камтыйт (алгачкы вакцина чечек илдетине каршы ойлоп табылган) ушул эки жүз жылдын аралыгында 40 ооруга каршы жүздөн ашык вакцина чыгарылган.
Кыргызстанда СОVID-19 пандемиясына каршы күрөшүү үчүн бир катар өндүрүүчүлөр иштеп чыккан бир нече вакцинанын түрлөрү колдонулат, алар Кыргызстандын бардык жарандары үчүн акысыз берилет.