SUPER.KG "Чек талап кылып, байге утуп ал!" лотереясынын маалыматтык өнөктөшү болду

SUPER.KG маалыматтык порталы Салык кызматынын "Чек талап кылып, байге утуп ал!" кызыктыруучу лотереясынын маалыматтык өнөктөшү болду.

Лотереянын маалыматтык өнөктөшү болуп башка бир катар жалпыга маалымдоо каражаттары жана интернет басылмалары да аталды.

Салык кызматы белгилегендей, 10-майда "Чек талап кылып, байге утуп ал!" лотереясы расмий түрдө башталган, байгелердин биринчи утушу 1-июлда, экинчи утуш 1-октябрда, ал эми үчүнчүсү 31-декабрда өтөт.

Бизнес-өнөктөштөрдүн колдоосу менен лотереяда 4 автоунаа, 30 iPhone, 30 смартфон, 45 даана ар кандай тиричилик техникасы жана башка баалуу белектер ойнотулат. Баш байге – Бишкектен 1 бөлмөлүү батир.

Лотереянын биринчи утушу 1-июлда "Ала-Тоо" аянтында болот.