Кыргызстандын Япониядагы элчиси Мирлан Арстанбаев кызматынан бошотулду

Кыргыз өлкөсүнүн Япониядагы элчиси Мирлан Арстанбаев ээлеген кызматынан бошотулду. Бул тууралуу президенттин администрациясы тарабынан маалым болду.

Билдирүүдө айтылгандай, президент Садыр Жапаров кол койгон жарлыкка ылайык, Арстанбаев Мирлан Есенович Кыргыз Республикасынын Япониядагы атайын жана ыйгарым укуктуу элчиси, ишин айкалыштыруу боюнча Токио шаарындагы резиденциясы менен Кыргыз Республикасынын Австралиядагы, Жаңы Зеландиядагы жана Филиппин Республикасындагы атайын жана ыйгарым укуктуу элчиси кызматынан бошотулду.

Автор: Сезим Жумагулова