Кыргызстандагы эң бийик-тоолуу май куюучу жайдын кызматкерлери: “Суусамырда түнкүсүн абанын температурасы -30 градус”

Суусамыр өрөөнүндө 2200 метр бийиктикте "Газпромнефть" май куюучу жайы бар. Катуу суукта станцияда иш экстремалдуу шарттарда ишке ашат. Жааган кардын бийиктиги бир метрге чейин жетиши мүмкүн.

Аба ырайынын татаал шарттарына карабастан станция күнү-түнү иштеп, унаа ээлерин күйүүчү май менен камсыз кылууда. Станциянын кызматкерлери вахталык негизде иштешет, алардын жумуш күндөрү май куюучу станцияда ыңгайлуу болушу үчүн бардык шарттар түзүлгөн.

Ошондой эле атайын техника станциянын аймагын күнүнө үч жолу тазалоо менен алектенет.