Бишкекте майыптар коляскасында отурган жаранды каналга түртүп жиберген адам кармалды

Бишкек шаарында белгисиз жаран майыптар коляскада отурган адамды бийиктиктен түртүп жиберип, ал каза болуп калды. Бул тууралуу Бишкек ШИИББинен кабарлашты.

Маалыматка ылайык, 23-мартта Бишкек ШИИББинин "102" кызматына №4 ооруканадан кабар түшкөн. Анда 1988-жылы туулган жарандын 11-12 омурткасы сынып, ал ооруканада көз жумганы айтылган.

Окуя болгон жерге барган милиция кызматкерлери 21-мартта маркум Рыскулов жана Заводской поселок көчөлөрүнүн кесилишиндеги дарыянын жээгинен майыптар коляскасында табылганын аныкташкан.

Аталган факты боюнча Кылмыш-жазык кодексинин 130-берене "Адамдын өлүмүнө алып келген ден соолукка оор залал келтирүү" боюнча кылмыш иши козголгон. Шектүү катары 40 жаштагы С.Ы. аттуу жаран кармалып, убактылуу кармоочу жайына киргизилди.

Учурда тергөө иштери уланып, бардык керектүү экспертизалар дайындалды.