Жакшы салт. Кыргызстанда "Газпром" компаниялар тобу ардагерлерди Жеңиш Күнү менен куттуктады

"Газпром" компаниялар тобу өлкөнүн башкы майрамдарынын бири болгон Улуу Ата Мекендик согуштагы Жеңиш күнүн утурлай ардагерлерге барып, алардан кабар алуу салтын улантууда.

"Газпром Кыргызстан" жана "Газпромнефть-Азия" компанияларынын кызматкерлери Кыргызстандын аймагында жашаган Улуу Ата Мекендик согуштун ар бир катышуучусун жана майыптарын, Ленинград блокадачыларын жана концлагерлердин жашы жете элек туткундарын жеке куттуктап, даректүү материалдык жардам көрсөтүп, азык-түлүк топтомдорун белек кылышты.

Ардагерлерди 9-Майга карата куттуктоо 17-жыл катары менен компаниялар тарабынан демилгеленген маанилүү кайрымдуулук иш-чараларынын бири болуп саналат.

Мурат Сулайманов, "Газпром Кыргызстан" ЖЧКнын башкы директорунун орун басары:

«Биз ардагерлерге чын жүрөктөн жеке ыраазычылыгыбызды билдирип, алардын кадыр-баркына жетүүнүн ар бир мүмкүнчүлүгүн колдонууга аракет кылабыз. Канчалык каалабасак дагы, арабызда алардын саны азайып баратат.

Биз Улуу Ата Мекендик согуштун ар бир катышуучусуна таазим этебиз. Ата-бабаларыбыздын улуу эрдигин эскерип сактайбыз. Алардын Улуу Ата Мекендик согуштагы эрдиги жана баатырдыгы түбөлүккө биримдиктин, туруктуулуктун жана кайраттуулуктун үлгүсү, өз мекенине жан аябас кызмат кылуунун үлгүсү болуп кала берет».