Мансап жолунун башталышы – бул абдан маанилүү жана жооптуу этап. Бул кесиптик чеберчиликти өркүндөтүү, алгач коюлган максаттарга жетүү жана эмгек рыногунда кызматкердин баасын олуттуу түрдө жогорулаткан пайдалуу тажрыйбага ээ болуу мүмкүнчүлүгү. Келген адистерге ийгиликтүү стартты камсыз кылуу үчүн өлкөдөгү эң ири иш берүүчүлөрдүн бири болгон Beeline Кыргызстан компаниясы бир катар стажировкадан өтүү жана ишке орношуу мүмкүнчүлүктөрүн сунуштайт.
Курстардан стажировкага чейин
Эки жыл катары менен Beeline өнөктөштөрү менен бирге уникалдуу социалдык жана билим берүү демилгесин - популярдуу IT адистиктери боюнча акысыз курстарды ишке ашырып келет. Бул убакыттын ичинде долбоорго өлкөнүн ар кайсы аймактарынан 130дан ашуун жаш кыргызстандыктар катышты. Окутууга UX/UI дизайны, Frontend жана Backend иштеп чыгуу, долбоорлорду башкаруу, системаны башкаруу, Data Science (маалыматтар жөнүндө илим), SQL (маалыматтардын аналитикасы) жана маалымат коопсуздугу сыяктуу тармактар камтылган.
Окуу программасы аяктагандан кийин курстун эң мыкты бүтүрүүчүлөрү өздөрүнүн жөндөмдөрүн колдонуу жана ири компанияларда тажрыйба алуу үчүн чакырылган. Ошентип долбоордун экинчи агымынын жыйынтыгы боюнча 10 катышуучу Dos Cloud, Mancho Devs, CRM Technologies, Discovery, «Оптима», БАУ жана, албетте, Beeline Кыргызстан сыяктуу уюмдарда стажировкадан өтүү мүмкүнчүлүгүнө ээ болушту.
Курстардын бүтүрүүчүсү Таалайбек кызы Медина: «Мен көптөн бери IT тармагына кирип, долбоорлорду башкаруу боюнча билим алгым келчү», - дейт. — Beeline-дан курстар тууралуу билип, мен арыз жөнөтүп, биринчи тандоо турунан өттүм. Тажрыйбалуу адис Тамара Мундун сабак берери мен үчүн мотивация болду. Ошондуктан экинчи турга өтө кылдат даярдандым. Анан интервью болду, ошентип мен долбоорлорду башкаруу курстарынын катышуучусу болдум. Окуу 3 айга созулду. Практика көп болду, курс бою катышуучулар өздөрүнүн долбоорлорунун үстүндө иштешти. Ал эми окууну аяктагандан кийин мени Beeline Кыргызстанга чакырышты, азыр процесстерди жана тейлөө каналдарын санариптештирүү тобунда стажировкадан өтүп жатам. Мен Beeline компаниясында болгонума абдан кубанычтамын, анткени бул жерде ыңгайлуу иштөө үчүн бардык шарттар түзүлгөн жана сиз реалдуу долбоорлор боюнча стажировкадан өтсө болот.
Үйдөн чыкпастан интервьюдан өтүү
Жумуш издөө дээрлик дайыма интервью менен коштолот. Beeline Кыргызстан өзүнүн санариптик компания жана жоопкерчиликтүү иш берүүчү катары статусун ырастап, жумушка алуу процессин оптималдаштыруу үчүн ыңгайлуу платформаны – «Автоматташтырылган Рекрутинг» өнүмүн иштеп чыкты.
Эми талапкерлерге алдын ала жазылуу жана кеңсеге баруу үчүн убакыт коротуунун кажети жок. Алгачкы интервью смартфон, планшет, ноутбук же компьютер болобу, каалаган түзмөктөн алыстан жүргүзүлүшү мүмкүн. Ал үчүн https://recruiting.beeline.kg/#/ шилтемеси аркылуу өтүп, онлайн маектешүүнүн үч баскычын аткаруу зарыл:
1. Кандидаттын анкетасын толтуруу.
2. Тестирлөөдөн өтүү.
3. Суроолорго видео же текст форматында жооп берүү.
Мындан тышкары, сайттан компаниянын ишмердүүлүгү, Beeline компаниясында иштөөнүн артыкчылыктары жана талапкерлерге коюлган талаптар тууралуу пайдалуу маалыматтарды таба аласыз. Бул жерде интервьюдан өтүү боюнча нускамалар жана кеңештер, ошондой эле көп берилүүчү суроолорго жооптор бар. Учурда талапкерлерди онлайн тандоо үч багытта жүргүзүлөт: байланыш борборунун оператору, СжТК кызматкери жана түз сатуу кызматкери.
- Ар бир түптөлгөн кесипкөй адам ийгиликке жетүүнүн баалуулугу тынымсыз өсүүдө жана өнүгүүдө экенине сөзсүз кошулат, - дейт Beeline Кыргызстандын башкы директору Андрей Пятахин. - Учурдагы көптөгөн жетекчилер жана эксперттер өз мансабын контакт-борбордун кызматкери болуп баштаган. Албетте, карьералык бийиктикке жетүү көп жагынан адамдын өзүнүн жеке сапаттарынан көз каранды. Компания катары биз кызматкерлерибиздин профессионалдык өсүшү үчүн эң ыңгайлуу жана түрткү берүүчү эмгек шарттарын камсыз кылууга умтулабыз. Демек, Beeline-да карьера баштоо оңой жана ишенимдүү!
Beeline — 25 жыл бою жаңы мүмкүнчүлүктөрдү түзүү!
