MEGA мамлекеттик уюлдук байланыш оператору MegaPay тиркемесинин санариптик мүмкүнчүлүктөрүн кеңейтүүнү улантууда. Абоненттердин ыңгайлуулугу үчүн компания смартфон аркылуу 24/7 режиминде акысыз колдонууга мүмкүндүк берген жаңы 5 мамлекеттик кызматты ишке киргизди.
MegaPay (жүктөп алуу үчүн App Store жана Google Play’де жеткиликтүү) мамлекеттик кызматтар үчүн төлөм жүргүзүү процесстерин жөнөкөйлөтөт, колдонуучуларды түзүмдөр жайгашкан даректерге, банк бөлүмдөрүнө баруу түйшүгүнөн арылтат.
Эми MegaPay’де QR-код аркылуу ыңгайлуу төлөм жүргүзүү менен төмөнкү мамлекеттик кызматтар жеткиликтүү:
- Мамлекеттик курулуш (Архитектура, курулуш жана турак-жай коммуналдык чарба боюнча мамлекеттик агенттик).
Төлөм жүргүзүү:
* Квалификациялык сертификатка;
* лицензияга (юридикалык жана жеке жактар).
- Ош облустук психиатрия жана наркология борбору.
Төлөм жүргүзүү:
* Аталган борбордун кызматтары.
- Бишкек шаардык ден соолугунан мүмкүнчүлүгү чектелген улгайган адамдар үчүн интернат.
Төлөм жүргүзүү:
* ай сайын төлөм.
- ЖТТКИДМИ (Жер титирөөгө туруктуу курулуш жана инженердик долбоорлоо мамлекеттик институту).
Төлөм жүргүзүү:
* Инженердик текшерүү;
* АТШды иргөөгө;
* АТШ иштеп чыгууга.
Төлөм жүргүзүү:
* Долбоорлук-сметалык документтештирүү.
Жогоруда көрсөтүлгөн кызматтардан пайдалануу үчүн MegaPay тиркемесин ачып, “Төлөм”– “Мамлекеттик төлөмдөр” бөлүмүнө өтүп, керектүү пунктту тандап, реквизиттерди жазып, транзакцияны тастыктоо жетиштүү.
Андан да оңой жолу QR-кодду сканерлеп, сумманы жазып жана төлөмдү тастыктоо. Даяр!
Маанилүү: бул кызматтарды пайдалануу идентификациядан өткөн гана колдонуучуларга жеткиликтүү. Андан пайдалануу үчүн смартфон менен онлайн-идентицикациядан өтүүнү же MEGA компаниясынын каалаган Сатуу жана тейлөө борборлоруна кайрылууну сунуштайбыз.
MegaPay – жашооңуздагы ар тараптуу жардамчы!
