Белград: Дагы бир сенсация! Жеңишине ишенбеген балбан шолоктоп ыйлады

Бүгүн, 18-сентябрда Сербиянын борбору Белград шаарында өтүп жаткан күрөш боюнча Дүйнө чемпиондугунун үчүнчү күндүк беттештери өтүүдө.

Анда 65 килограмм салмакта жарым финалда венгриялык Исмаил Мусукаев турнирдин фаворити болгон ирандык Рахман Амузад менен кез келди. Бул беттеште ирандык балбан дээрлик фаворит болчу. Айткандай эле ал беттеш бою атаандашына үстөмдүк көрсөтүп, эсеп саны 5:4 болду. Акыркы 4 секунд калганда Исмаил Мусукаев атаандашынын артына өтүп 2 упай алып кетти.

Жыйынтыгында эсеп 6:5 болуп, Исмаил Мусукаев финалга жолдомо алды.

Ал убакыт бүткөндөн кийин жеңишине ишене албай шолоктоп ыйлады. Аны машыктыруучулары сооротуп, чечинүүчү бөлмөгө алып кетишти.

Автор: Азат Бейшенбеков