Мындай демилгелүү чечим борбор калаанын жана Чүй облусунун жашоочуларына үйлөрүн жылытууда экологиялык энергия ресурсун пайдаланууга өтүүгө көмөктөшүү максатында КР Министрлер кабинети тарабынан 2023-жылдын 24-октябрындагы № 643 "Бишкек шаарын жана Чүй облусун газдаштыруу боюнча жеңилдетилген каржылоо жөнүндө" тескемесинин алкагында кабыл алынды.
Муну менен «РСК Банк» ААК жана «Айыл Банк» ААК мамлекеттик банктары 2023-жылдын 31-декабрына чейин жылдык коюму 8%дан 12%га чейинки жеңилдетилген коюм боюнча Бишкек шаарынын жана Чүй облусунун тургундарына газдаштыруу үчүн пайдалуу каржылоо көрсөтүшөт.
Буга чейин 18%га «Газификация» насыясын алган тургундарда алган насыяларынын пайыздык чендерин жаңы шарттарга ылайык 8-12%га чейин кайрадан каржылоо алуу мүмкүнчүлүгү бар.
«Газификация» насыя продуктусунун артыкчылыктары:
Ø Күрөөсүн, кепилсиз жана баштапкы төлөмсүз.
Ø Насыянын суммасы 150 000 сомго чейин.
Ø Жылдык пайыздык чени болгону 8% жана 12%.
Ø Насыянын мөөнөтү 24 айга чейин.
Ø Каражаттар накталай да, ошондой эле накталай эмес да түрдө берүү ийкемдүү системасы.
Насыяны алуу процесси жөнөкөй жана ыңгайлуу. Бул үчүн төмөнкүдөй документтерди көрсөтүү керек:
· Өздүгүн тастыктаган паспорт
· Киреше булагын тастыктаган документтер
· Турак үйгө укуктарын белгилеген документтер
· «Газпром Кыргызстан» ЖЧКсынын газдаштырууга сметасы
· Отказан сатып алууга жана андан ары орнотууга смета
· Коштоочу материалдарды төлөөгө эсеп-кысап
Кошумча маалымат жана консультацияларды алуу үчүн бул номерлер аркылуу кайрылыңыздар:
· Үйдү газдаштыруу маселелери боюнча: «Газпром Кыргызстан» бирдиктүү сурап-билүү кызматы 4444 (уюлдук телефондон чалуу акысыз)
· Жеңилдетилген насыяны тариздөө маселелери боюнча: «РСК Банктын» байланыш борбору 9111, «Айыл Банктын» байланыш борбору 5511.
Адистер бардык зарыл болгон маалыматты көрсөтүп, «Газификация» насыясын тариздөөгө көмөктөшөт.
