"Ош" аэропортунун 2 кызматкери Дүйнө чемпиону болушту

«Манас» эл аралык аэропорту Ош филиалындагы эки кызматкери Дүйнө Чемпионатында пауэрлифтинг жана оор штанганы жатып көтөрүү боюнча биринчиликти багындырышканын билдирди.

"МЭА" ААК Ош филиалынын авиациялык коопсуздук кызматынын эки кызматкери Курманбек уулу Марлес жана Алибек уулу Мансурбек Дүйнөлүк кубокто ышкыбоздор жана профессионалдар арасында WPC/AWPC боюнча пауэрлифтинг, штанганы жатып көтөрүү боюнча Дүйнө кубогунун жеңүүчүлөрү болуп, биринчи орунду ээлешти", - деп айтылат маалыматта.

Белгилей кетсек, Дүйнө биринчилигине 700дөн ашык спортчу Орусия, Өзбекстан, Казакстан, Түркия, Палестина, АКШ, Алжир, Иран, Азербайжан, Грузия, Монголия, Швеция жана Индияда мамлекеттеринен катышты.