Адылбек Касымалиев Япониянын ROTOBO компаниясынын бизнес делегациясын кабыл алды

Министрлер кабинетинин төрагасынын биринчи орун басары Адылбек Касымалиев бүгүн, 27-ноябрда Кыргызстанга кыргыз-япон бизнес-диалогуна катышуу үчүн келген Япониянын Орусия жана жаңы көз карандысыз мамлекеттер менен соода боюнча ассоциациясынын “ROTOBO” делегациясын кабыл алды.

Өкмөттүн басма сөз кызматынан билдиргендей, жолугушуунун жүрүшүндө тараптар соода-экономикалык чөйрөдөгү эки тараптуу кызматташуунун кеңири спектрин талкуулашты.

Касымалиев президент Садыр Жапаровдун Японияга болгон иш сапарындагы бир катар маанилүү жолугушуулар кыргыз-япон мамилелерин өнүктүрүүгө чоң өбөлгө болгондугун белгиледи.

“Кыргызстан чет өлкөлүк түз инвестицияларды, инновациялык технологияларды жана чет өлкөлүк компаниялардын тармактык тажрыйбасын тартууга өзгөчө маани берет, ошондуктан мамлекет инвестициялык жана соода саясатын өркүндөтүү, сатуу рыногун жогорулатуу жана жеткиликтүүлүктү жакшыртуу боюнча жигердүү иштерди жүргүзүп жатат”, - деди ал.

Ошондой эле Өнөр жай жана өндүрүш ишканаларына инвестицияны стимулдаштыруу максатында бир катар жеңилдетилген калктуу конуштар аныкталганын, аларда инвестициялык ишмердүүлүк 10 жылга узартуу мүмкүнчүлүгү менен 5 жылдык мөөнөткө салыктын 4 түрүн төлөөдөн бошотулганын белгиледи

Өз кезегинде "ROTOBO" компаниясынын өкүлдөрү бул сапар президент Жапаровдун 20-ноябрдагы Японияга болгон иш сапарынын алкагында өткөн диалогдун уландысы экенин белгилешти жана эки өлкөнүн бизнес түзүмдөрүнүн ортосундагы өз ара аракеттенүүнүн келечегин түзүү үчүн кыргыз-япон бизнес диалогунун платформасын пайдаланууга даяр экендиктерин билдиришти.

Автор: Бек Оморбеков