"Кудай берген перзентиме...". Ырчы Съездбек Искеналиев кыздуу болду

Кечээ, 11-февралда өлкөнүн Эмгек сиңирген артисти Съездбек Искеналиев кыздуу болду. Бул тууралуу ырчы өзүнүн социалдык тармактагы баракчасы аркылуу билдирди.

"Кудай берген перзентиме Пери, Ширин, Сулуу жана Анель деген аттардын кайсынысын ыйгарсам?" - деп жазган ырчы.

Ал жубайы Жаркынай Искеналиева экөө 2006-жылы баш кошушкан. Бул алардын бешинчи наристеси. Түгөйлөр буга чейин 3 кыз, 1 уулду тарбиялап, өстүрүп келишкен.

Обончу жана аткаруучу Съездбек Искеналиев коомчулукка Эрнис Абдыжапаровдун "Боз салкын" аттуу көркөм тасмасында Мураттын ролунан кийин таанылган.

Автор: Арууке Амирдинова