Кыз-келиндер арасында футбол боюнча Өлкө чемпиондугунун 3-айлампасы башталды
Кечээ Кант шаарында футбол боюнча кыз-келиндер ортосунда өтүп жаткан Өлкө чемпиондугунун 3-айлампасы башталды. Көч башында бараткан жергиликтүү "Абдыш-Ата" командасы Ош шаарынын "Южанка" командасын кабыл алды. Алгачкы эле мүнөттөрдө демилгени колго алган үй ээлери 4:0 эсебинде жеңишке жетишишти. Бул тууралуу КРнын Футбол федерациясынын басма сөз кызматы билдирет. Беттеште "Абдыш-Атанын" курамында казакстандык 3 футболчу айымдын дебют жасаганын кошумчалап кетебиз.