Көк бөрү Астанада өтчү Дүйнөлүк көчмөндөр оюндарынын программасына кошулганы айтылды

Көк бөрү оюну бешинчи Дүйнөлүк көчмөндөр оюндарынын спорттук программасына киргизилди. Бул тууралуу Көк бөрү федерациясынан билдиришти.

Маалыматка ылайык, мындай чечим Садыр Жапаров менен Касым-Жомарт Токаевдин жакында Астанада өткөн сүйлөшүүлөрүнүн жыйынтыгында чечилди.

"Буга чейин Көчмөндөр оюндарынын уюштуруучулары көк-бөрү менен кыргыз күрөшүн расмий спорттук программага киргизген эмес. Оюндар көргөзмө сынактардын тизмесине киргизилген", - деп айтылат билдирүүдө.

Эске салсак, бешинчи Дүйнөлүк көчмөндөр оюндары быйыл 8-сентябрдан 14-сентябрга чейин Казакстанда өтөт.