Эртеңден тарта ЖОЖдорго кабыл алуунун биринчи айлампасы башталат

Өлкөдө эртең, 15-июлдан тарта жогорку окуу жайларына кабыл алуунун биринчи айлампасы башталат. Бул туурулуу Билим берүү жана илим министрлигинен кабарлады.

Маалыматка ылайык, 2024-2025-окуу жылына Жалпы республикалык тестирлөөнүн (ЖРТ) жыйынтыгы боюнча жогорку окуу жайларга абитуриенттерди тандоо жана кабыл алуу 15-июлда башталып, 5 тур менен өтөт.

сынакка катышуу үчүн талапкерлерди каттоо - 15-17-июль,
сынакка катышуу үчүн каттоону аяктоо – 17-июль саат 14:00,
окууга сунуш кылынган абитуриенттердин тизмелерин жайгаштыруу - 18-июль саат 10:00гө чейин,
абитуриенттердин ЖОЖго тапшыруу каалоосун тастыктоосу - 18-20-июль саат 16:00гө чейин.

“Абитуриент онлайн” сайты - https://2020.edu.gov.kg/vuz

ЖОЖдор жөнүндө маалымат - https://2020.edu.gov.kg/universities

Билим берүү министрлиги бюджеттик негизде жана келишим акыга окутуу формалары үчүн билим деңгээлин аныктаган тесттин босого баллы 110 деп бекитилгенин билдирген. Предметтик тесттердин босого баллы 60 бойдон калтырылган.

Автор: Бек Оморбеков
Фото: Иллюстрациялык сүрөт