Ысык-Көл районунун Чоң-Сары-Ой айылында милиция кызматкерлери сууга чөгүп бараткан кызды куткарып калышты. Бул тууралуу облустук милициядан билдирди.
Маалыматка ылайык, окуя 18-июль күнү саат 22:00дө болгон.
"Көлгө чөгүп бараткан 17 жаштагы кызды эки милиция кызматкери жана бир жергиликтүү тургун куткарып калган. Эс-учун жоготкон кыз жээкке чыгарылып, дарыгерлерге өткөрүлүп берилген.
Өз кезегинде кыздын ата-энеси милиция кызматкерлерине жана жергиликтүү тургунга ыраазычылык билдирди", - деп айтылат маалыматта.