Өлкөдө жарым жылда канча мамлекеттик орган мыктылыгын көрсөттү? Өкмөт жыйынтык чыгарды

Бүгүн,2-августта Министрлер кабинети президенттин облустардагы ыйгарым укуктуу өкүлчүлүктөрүнүн, Бишкек жана Ош шаарларынын мэрияларынын ишин баалоонун жыйынтыгын чыгарды. Бул туурасында өкмөттүн маалымат кызматы билдирди.

Маалымдалгандай, 3төн аз балл алган мамлекеттик органдар киргизилген эмес.

Биринчи жарым жылдыктын жыйынтыгы боюнча 2024-жылга карата пландын аткарылышын талдоонун жана мониторингдин жыйынтыгында төмөндөгүдөй жыйынтыктарды көрсөттү:

- “эң жакшы” деген баа менен – 7 мамлекеттик орган (2023-жылдын биринчи жарым жылдыгынын жыйынтыгы боюнча 11 мамлекеттик орган “эң жакшы” деген баа алган);

- “жакшы” рейтинги менен – 7 (2023-жылдын биринчи жарым жылдыгынын жыйынтыгы боюнча 8 мамлекеттик орган “жакшы” деген баа алган);

- "канааттандырарлык" деген баа менен - 3 (2023-жылдын биринчи жарым жылдыгынын жыйынтыгы боюнча 4 мамлекеттик орган "канааттандырарлык" деген баа алган);

- “канааттандырарлык эмес” деген баа менен – 4 (2023-жылдын биринчи жарым жылдыгынын жыйынтыгы боюнча 2 мамлекеттик орган “канааттандырарлык эмес” деген баа алган).

Белгилей кетсек, Иш-аракеттер планын аткаруунун деңгээлин баалоо методикасын киргизүү стратегиялык жана масштабдуу милдеттерди ишке ашырууда министрликтер менен ведомстволордун өз ара аракеттенүүсүн жана алардын жоопкерчилигин жогорулатууга мүмкүндүк берет.

Баалоонун кийинки этабы 2024-жылдын жыйынтыгы боюнча декабрь айында жүргүзүлөт.

Автор: Замира Ниязбекова