Кыргызстандын кум үстүндөгү футбол боюнча кубогу жыйынтыкталды

2-5-августта Ысык-Көлдүн Тосор айылында кум үстүндөгү футбол боюнча Кыргызстандын кубогунун беттештери өттү. Бул тууралуу кечээ, 5-августта Кыргыз футбол биримдигинен билдиришти.

Ага ылайык, мелдешке жалпысынан 5 команда катышты. Айлампалык оюндардын жыйынтыгында финалга Тосор жана Жети-Өгүз командалары жолдомо алышкан, коло байге үчүн Чүй жана Түп кез келишти.

Ал эми үчүнчү орун үчүн беттеште Түп командасы 3:1 эсеби менен Чүйдү жеңген.

"Кызыктуу финалдык беттеш 4:1 эсебинде Тосордун жеңиши менен аяктады.

Беттештердин соңунда командаларды салтанаттуу сыйлоо аземи болуп өттү", - деп айтылат маалыматта.