Париж-2024: Акжол Махмудов Олимпиадада коло медаль утууга мүмкүнчүлүк алды

Кыргыз балбаны Акжол Махмудов Париж шаарында өтүп жаткан жайкы Олимпиада оюндарында коло байге утууга мүмкүнчүлүк алды.

Баары Акжол чейрек финалда жеңилген казакстандык Демеу Жадраевден көз каранды болчу. Ал жарым финалда жеңишке жетсе, Акжол Махмудов коло байге үчүн күрөшүүгө мүмкүнчүлүк алмак.

Жадраев жарым финалда азербайжандык Санан Сулеймановду 6:1 эсебинде утуп, финалга чыкты. Мындан улам Акжол көңүл жубатуучу беттешке күрөшүүгө мүмкүнчүлүк алды.

Бул беттештер эртең, 7-августта өтөт.

Автор: Азат Бейшенбеков