Камчы Көлбаевдин аялына издөө жарыяланды

Бүгүн, 8-августта Бишкектин Октябрь райондук соту маркум кримтөбөл Камчы Көлбаевдин аялы Нурия Тентешовага карата өкүм чыгарды. Бул тууралуу маалыматты шаардык соттун басма сөз кызматы тастыктады.

Маалыматка ылайык, райондук сот аны Кылмыш-жаза кодексинин "Кылмыштуу жол менен алынган кирешелерди мыйзамдаштыруу" беренеси боюнча күнөөлүү деп таап, 8 жылга эркинен ажыратып, издөө жарыялаган. Эми ал кармалары менен СИЗО-1ге киргизилип, кийин абакка которулат. Ошондой эле сот Тентешованын мүлкүн конфискациялоо менен бирге эки жылга чейин ишкердик менен алектенүү укугунан ажыраткан.

Буга чейин Көлбаевдин апасына өкүм чыкканы белгилүү болгон.

Автор: Кылымбек Бейшеев