Чолпон-Атада президенттин Иш башкармалыгынын түзүлгөндүгүнүн 30 жылдыгына карата салтанаттуу иш-чара өттү

Бүгүн, 8-августта, Ысык-Көл облусунун Чолпон-Ата шаарында президенттин Иш башкармалыгынын түзүлгөндүгүнүн 30 жылдыгына карата салтанаттуу иш-чара болуп өттү. Бул туурасында мамлекет башчысынын маалымат кызматы билдирди.

Аземге өлкө башчысы Садыр Жапаров баштаган бир катар бийлик өкүлдөрү катышты.

Жапаров Президенттин Иш башкармалыгы учурда коммуникацияларды, ирригацияларды жана жаңы имараттарды оңдоо жана куруу, кызмат көрсөтүүнүн жана тейлөөнүн жаңы системаларын түзүү аркылуу өлкө тургундарынын жашоо турмуш деңгээлин көтөрүүгө багытталган милдеттердин кеңири спектрин көрсөтүп келатканына токтоло кетти.

Мамлекет башчысы башкармалык президенттин, Министрлер кабинетинин, Жогорку Кеңештин ишмердигин финансылык, материалдык-техникалык, транспорттук, социалдык жана медициналык жактан тейлөөдөн сырткары, өлкөбүздүн өнүгүү жолуна түшүүсүнө кошуп жаткан салымын да баса белгилей кетти.

Андан кийин мамлекеттик сыйлыктарды тапшыруу аземи болуп өттү.

Автор: Замира Ниязбекова