Садыр Жапаров Бразилиянын президентине авиакырсыкка байланыштуу көңүл айтты

Бүгүн, 10-августта өлкө башчысы Садыр Жапаров Бразилиянын президенти Луис Инасиу Лула да Силвага көптөгөн адамдардын өмүрүн алган трагедияга байланыштуу көңүл айтты. Бул туурасында президенттик администрациянын маалымат кызматы билдирди.

"Бразилиянын Сан-Паулу штатындагы учак кырсыгынан улам адам курмандыктары тууралуу суук кабарды терең кайгыруу менен кабыл алдым. Кыргызстан элинин жана жеке өзүмдүн атымдан сизге, маркумдардын үй-бүлөлөрүнө жана жакындарына чын дилимден көңүл айтып, биз Бразилия эли менен ар дайым тилектеш экенибизди билдирем.

Бул оор күндөрү биз орду толгус жоготуунун аза кайгысын тең бөлүшөбүз", - деп айтылат телеграммада.

Белгилей кетсек, Бразилияда адам өмүрүн алган авиакырсык катталган. Кырсыкка учураган учакта 58 жүргүнчү жана төрт экипаж мүчөсү болгондугу маалыматта белгиленген.

Автор: Замира Ниязбекова