"Биз үчүн алтынсыңар". Садыр Жапаров Олимпиадага катышкан спортчуларды куттуктады

Өлкө башчы Садыр Жапаров Парижде өткөн 33-Жайкы Олимпиада оюндарына катышып келген спортчуларды куттуктады.

Анда Жапаров спортчулардын ар бирине токтолуп, спорттогу өзгөчөлүктөрүн белгиледи.

"Силер жараткан ийгиликтер – элиңердин төбөсүн көккө жеткире кубантып, ажайып сезимдерге бөлөп, мекенге болгон сүйүүсүн арттырып, улут биримдигин чыңдоого өзгөчө жетишкендик болду!

Силердин ар бир медалыңар, ар бир жеңишиңер - биз үчүн алтын! Силердин өзүңөр биз үчүн алтынсыңар. Жалпы Кыргызстан эли силер менен сыймыктанат!" - деди Жапаров.

Ошондой эле президент Кыргызстандын намысын коргой турган бардык мелдештер өтө маанилүү жана өтө жоопкерчиликтүү экенин айтты.

Спортту, спортчуларды колдоо, керектүү шарттарды түзүү мындан ары да улана берерин белгиледи.

Автор: Айпери Бакталбек кызы
Фото: Каныкей Амантаева