“Президенттик кубок”. Бишкекте 35 өлкөнүн балбандары күч сынашат (тизме)

Бишкекте 22-23-август күндөрү Каба уулу Кожомкул атындагы Спорт ордосунда кыргыз күрөш боюнча Кыргызстан президентинин кубогу, II Дүйнөлүк чемпиондук болот. Бул туурасында кечээ, 14-августта дене тарбия жана спорт департаменти билдирди.

Маалымдалгандай, мелдешке 35 өлкөдөн келген 200дөн ашык спортчу катышары күтүлүүдө. Жалпы байге фонду 1 миллион сомду түзөт.

Мелдештин биринчи күнү президенттик кубоктун алкагында алп күрөшү өтөт. Ага Кыргызстандын атынан абсолюттук салмактагы балбандар Бактияр Мирлан уулу жана Бекболот Токтогонов катышат.

Курама команданын тизмеси:

Эркектер арасында:

- 60 кг Бакберди Туратбек уулу, Сыматбек Алымбеков;

- 66 кг Арлен Эстебесов, Бекболсун Сатканкулов;

- 72 кг Бекбай Мамбетказиев, Малик Төлөгөнов;

- 78 кг Хабибулло Тынчтыкбек уулу, Айболот Аманов;

- 84 кг Азизхан Мусабек уулу, Анвар Муратбек уулу;

- 90 кг Айдар Ботбаев, Баястан Идирисов;

- 96 кг Ноорузбек Мирланбеков, Асанкелди Нускасым уулу;

- +96 кг Ороз Алмазбеков, Бактияр Мирлан уулу.

Кыз-келиндер арасында:

- 60 кг Бегай Бешенаалы кызы, Бегайым Акбалаева;

- 65 кг Аземи Камчыбекова, Айдана Кубанычбекова;

- +65 кг Назира Арзыбекова, Айкөл Зияпова.

Курама команда башкы машыктыруучу Нурбек Кожобеков жана улук машыктыруучу Азизбек Айтмурза уулунун жететчилиги алдында мелдешке катыша тургандыгы маалыматта кошумчаланган.

Автор: Замира Ниязбекова