Акжол Махмудов дүйнөлүк рейтингде бешинчи орунга түшүп калды

Белгилүү кыргыз балбаны Акжол Махмудов Дүйнөлүк күрөш уюмунун жаңыланган рейтингинде өз салмак категориясында бешинчи орунга жайгашты.

Париждеги Олимпиада оюндары аяктагандан кийин Дүйнөлүк күрөш уюму балбандардын рейтингин жарыялады. Анда кыргыз балбаны Акжол Махмудов 77 килограмм салмакта 45 миң 200 упайы менен 5-орунга жайгашты.

Рейтингде биринчи орунга Олимпиада чемпиону болгон япониялык Нао Кусака көтөрүлдү. Ал 87 миң упайы менен башкалардан алда канча астыга кетти.

Экинчиге азербайжандык Санан Сулейманов жайгашса, үчүнчүнү Парижде коло медалга ээ болгон армениялык Малхас Амоян ээледи.

Автор: Азат Бейшенбеков