Олимпиада чемпиону болгон Диёра Келдиёрова кызматка дайындалды

Париж Олимпиада оюндарында сенсация жаратып, Олимпиада чемпиону болгон коңшу өзбекстандык Диёра Келдиёрова кызматка дайындалды. Бул тууралуу өзбек президентинин кичүү кызы Шахноза Мирзиёева социалдык тармактагы баракчасына жазды.

Ага ылайык, спортчу гендердик теңсиздик жана балдарга карата зомбулук менен күрөшүү боюнча Улуттук социалдык коргоо агенттигинин атайын өкүлү болуп дайындалды.

Мирзиёева спортчунун Олимпиада оюндарындагы жеңиши Өзбекстан потенциалы бар өлкө экенин бүткүл дүйнөгө көрсөткөнүн белгилеген.

Ошондой эле ал Келдиёрованын бул кызматка келүүсү өлкөдө гендердик теңчиликке жетүүнү тездетип, аялдарды шыктандырарын жазган.

Эске салсак, Жайкы Олимпиада оюндарында 1/8 финалда Диёра Келдиёрова легендарлуу япон дзюдочусу Ута Абени жеңип, алтын медаль тагынган.

Автор: Айпери Бакталбек кызы