Олимпиада чемпионунун алтын медалын адамдар тебелеп алышты

Парижде өткөн Олимпиада оюндарында АКШ курамасынын курамында алтын утуп алган америкалык футболчу Линн Уильямс алтын медалын чийип алды. Бул тууралуу чет элдик спорттук басылмалар жазышты.

Тагыраагы, спортчунун достору жана командалаштары жеңиш кечесин уюштуруп, анда бийлешкен. Линн өзү да моюнуна медалын тагып алып, секирип бийлеген. Ошол учурда анын медалынын лентасы үзүлүп, жерге түшүп кеткен.

"Медалым түшүп кеткенде баары бийлеп жатышкан, мен болсо жерден медалымды алайын деп жерди сыйпаладым. Медалымды жерден алсам чийилип, формасын жоготуп калыптыр. Аны досторум билбей тебелеп салышыптыр. Эми мен медалды алмаштырып берүү өтүнүчү менен Эл аралык Олимпиада комитетине кайрылдым. Алмаштырса алам, болбосо ушул эле медалымды сактап калам", - деген ал.

Автор: Азат Бейшенбеков