Кыргыз футболу жаңы машыктыруучулар менен толукталды

Кыргыз футболдук биримдигинин кеңсесинде "Д" сертификаты үчүн машыктыруучулар курсун ийгиликтүү аятагандарга сертификаттар тапшырылды. Бул тууралуу бүгүн, 29-августта Кыргыз футбол бирикмесинен билдиришти.

Ага ылайык, окутуу 10-июндан 28-августка чейин өттү. Ага жалпы 23 машыктыруучу катышып, 19 машыктыруучу сертификатка ээ болду.

"Курстун жүрүшүндө машыктыруучулар теориялык жана практикалык билимдерден сырткары, балдарды коргоо жана биринчи жардам боюнча лекцияларга катышышты.

Окутууну Австриядан келген башкы адистер, Алекс Бауэр жана Искендер Ишчакар өткөрдү", - деп айтылат маалыматта.

Белгилей кетсек, сертификаттын ээлери эми 12 жашка чейинки оюнчулардан түзүлгөн командалардын машыктыруучусу боло алат.

Автор: Максуда Кудайбердиева